Eth Departament de Territòri e Sostenibilitat a era tòca de promòir, enfortir e assolidar eth tresau sector environamentau. Entà arténher aguesta tòca damb eficacitat s’a dotat d’un estrument qu’establís enjòcs, encastres de trabalh, e ua seguida de linhes d’accion e de mesures. Aqueth estrument ei eth Plan de supòrt ath tresau sector environamentau de Catalonha. Concrètaments, en 2011 se presentèc eth prumèr Plan damb ua periodicitat 2011-2014; e en junhsèga de 2015, s’a presentat eth Plan de supòrt 2015-2018.

Era Comission de Seguiment ei er espaci estable de participacion entath desplegament deth Plan e entara avaloracion dera implantacion des diferentes mesures e accions concretades enes plans d’accion annau.

Dempús era sua constitucion (5-10-2011) s’an realizat periodicaments reünions en tot presentar e en tot méter a debat es accions que se son derivades. Basicaments, quin Plan que sigue d’accion annau s’a metut a debat ena Comission de Seguiment abans dera sua aprobacion, e tanben, es accions destacades en aqueth Plan.

Entath Plan 2015-2018 s’a dat continuitat ara Comission creada, en tot adaptar es sues foncions e composicion. Concrètaments, s’a considerat convenent de reconvertir-la en un espaci permanent de collaboracion e dialòg exclusivaments d’entitats e Administracion publica.

Actuauments era Comission ei integrada per un totau de 18 membres, representants d’entitats de prumèr, dusau e tresau nivèu e Administracion publica.