Eth Conselh Sociau dera Cultura de Catalonha, ei un organ consultatiu, de participacion dera societat civiu e d’assessorament deth Govèrn en matèria culturau, qu’ei format per 52 membres deth mon economic, sociau e associatiu.

Eth Conselh trabalhe entà qu’es diferenti sectors sociaus e economics participen mès intensaments ena analisi e en desplegament dera vida culturau e hè eth seguiment deth sector e des politiques publiques qu’eth Govèrn impulse en aguesta matèria.

Er objectiu deth Conselh ei dar mès centralitat ara cultura e méter en valor eth sòn ròtle ena configuracion d’ua societat mès prospèra, mès capacitada e damb mès possibilitats individuaus e collectives de progressar.

Bères ues des foncions deth Conselh seràn favorir er accès ara aufèrta des bens e servicis culturaus, velhar peth retorn sociau e comunautari dera produccion culturau, favorir es relacions transversaus dera cultura per rapòrt a d’auti encastres o politiques publiques, méter en valor era dimension economica, educativa e sociau dera cultura, velhar entà hèr efectiu eth principi d’egalitat de tractament e d’oportunitats entre hemnes e òmes eth tot çò que tanh ara creacion e produccion artistica e ara sua difusion.

Informacion restacada