Eth Departament de Benestança Sociau e Familha comencèc pendent eth darrèr mes de junhsèga un procès participatiu en marc des trabalhs entara elaboracion deth dusau Plan estrategic de servicis sociaus de Catalonha.

Eth Plan estrategic de servicis sociaus de Catalonha ei un estrument elaborat peth Govèrn qu’a era tòca d’ordenar er ensemble de mesures, recorsi e accions de besonh entà arténher es objectius dera politica de servicis sociaus. Eth Plan de qualitat des servicis sociaus ei er estrument basic entà assegurar eth desvolopament e era aplicacion des critèris de qualitat, e hè part deth Plan estrategic de servicis sociaus.

Entara elaboracion deth dusau Plan estrategic de servicis sociaus s’avalorèc fòrça important eth hèt de poder compdar damb era opinion des ciutadans e, mès que mès, damb era d’expèrts e professionaus deth sector des servicis sociaus, per rapòrt as ahèrs que tanhen ara planificacion e ara prestacion de servicis considerables entà dar responsa as actuaus enjòcs sociaus.

 

Eth dessenh deth dusau Plan estrategic de servicis sociaus requerís ua analisi prigonda, contextualizada en moment actuau e damb projeccion entàs ans que vien, per rapòrt as besonhs sociaus dera societat catalana e as naui scenaris normatius que se configuren e que calerà aplicar e desvolopar.

S’ètz interessadi a participar-i podetz mandar era vòsta sollicitacion de participacion en tot enviar un corrèu a planificacio-estrategica.bsf@gencat.cat, en tot especificar eth vòste nòm e cognòms, corrèu electronic e, se s’esquè, era natura juridica dera entitat o era organizacion qu’apartietz, e vos enviaràn un corrèu damb era informacion e eth ligam entà accedir-i.

Era data limit prevista entà arrespóner eth qüestionari “Eth sistèma catalan de servicis sociaus: analisi e proposicions” ère eth 9 d’octobre de 2015.

Un còp eth Departament de Benestança Sociau e Familha age arrecuelhut e analisat totes es proposicions, se harà public eth document de retorn.