Era corresponsabilitat sociau ena gestion e conservacion der environament ei un factor clau des politiques environamentaus. Ei per aquerò qu’er associacionisme environamentau se considère ja un sector mès der encastre sociau, eth tresau sector environamentau. En Govèrn se vò promòir, assolidar e enfortir eth tresau sector environamentau e er estrument entà artenhé’c ei eth Plan de supòrt ath tresau sector environamentau de Catalonha.

Aguest Plan de supòrt se redigís en tot arrecéber es opinions e es aportacions des ciutadans e des entitats, entà veir com ei mès eficient eth supòrt deth Govèrn ad aguest sector clau entara mantenença der environament.