Pendent eth mes de junhsèga de 2014 s’amièren a tèrme diferentes sessions e talhèrs participatius entà arrecéber aportacions entà elaborar er Avantprojècte de lei de cambiament climatic. En aqueres sessions s’arrecuelheren es aportacions des participaires, tanben se podec arrespóner un qüestionari electronic entà qui non podesse assistir as sessions.

En data de 20 d’octobre de 2015, eth Govèrn dera Generalitat de Catalonha a alestit definitiuaments es trabalhs deth mencionat avantprojècte de lei, que ja se pòt consultar ena pagina web derh Burèu Catalan deth Cambiament Climatic.

Per çò qu’ei des observacions e esmenes que se proposèren, se n’a hèt ua avaloracion de cadua d’eres, que se pòt consultar en Rapòrt de barrament sus eth procès participatiu pera elaboracion der Avantprojècte de lei de cambiament climatic e enes taules —en format excel.xls— damb totes es aportacions classificades segons eth sòn contengut, eth talhèr a on an estat arrecuelhudes, eth grad d’incorporacion ath tèxte der Avantprojècte de lei e era corresponenta motivacion.