Procès participatiu entara revision deth plan de gestion des bacins intèrns entath periòde 2016-2021. 

Cossent damb es nòrmes europèes e estataus cau regenerar eth Plan de Gestion deth Districte de Conca Fluviau de Catalonha, qu’ei eth Plan que gerís es usatges des bacins fluviaus intèrns, toti aqueri que non acaben en arriu Ebre.

Per aguesta arrason, era Generalitat de Catalonha, a trauès dera Agéncia Catalana dera Aigua, amie a tèrme un procès participatiu entà integrar totes es visions des diferenti actors ena redaccion d’aqueth Plan, abans d’èster aprovat peth Govèrn.

Era tòca d’aqueth procès de participacion ei poder arrecuélher era percepcion sociau sus es problematiques que podem identificar enes bacins intèrns de Catalonha, e tanben es mesures que se poguen considerar entà poder resòlver o melhorar aqueres situacions.