Consulta publica prealabla relativa ara elaboracion d’un Projècte d’orde peth quau se modifiquen es limits territoriaus des airaus basics de salut Alt Berguedà i Berga

Eth municipi de La Nou de Berguedà, qu’a 141 assegurats segontes eth Registre centrau d'assegurats (RCA) deth 2023, se tròbe a 15,4 km deth CAP Berguedà, qu’ei actuaument eth sòn centre d’atencion primària de referéncia e que pertanh ar ABS Berga. Igualment, La Nou de Berguedà se tròbe a 11,8 km deth CAP Guardiola de Berguedà, que pertanh ar ABS vesin der Alt Berguedà. De forma naturau, era poblacion de La Nou de Berguedà preferís èster assistida en CAP Guardiola de Berguedà, qu’ei mès apròp deth municipi, e non pas en de Berga. Per aquerò se prepause cambiar er ABS deth municipi de La Nou de Berguedà, der ABS Berga tar ABS Alt Berguedà, damb er objectiu de milhorar era atencion sanitària dera atencion primària, auent en compde es preferéncies dera sua populacion.

Aguesta prepausa non a cap d’impacte economic, sociau ne ambientau ne tanpòc en çò que tanh as recorsi umans ne as infraestructures. Sonque altère es limits des ABS nomentadi e, en conseqüéncia, era adscripcion des 141 persones assegurades de La Nou de Berguedà a ua equipa d’atencion primària diferenta ad aquera qu’enquiath moment les a estat de referéncia.