Plan estrategic de qualitat e seguretat des pacients de Catalonha 2023-2026

Eth Servei de Promoció de la Qualitat i la Bioètica deth Departament de Salut ei en procès d’elaborar eth nau Plan estrategic de qualitat e seguretat des pacients de Catalonha 2023-2026. Eth Plan a era volontat d’èster ua estratègia entà tot eth sistèma sanitari catalan, hèta de manèra participativa damb era inclusion de toti es actors, coma son professionaus sanitaris, responsables de qualitat, gestors, patronaus, asseguradores, e, sustot, arremassant era experiéncia e es opinions de milhora des ciutadans e pacients, que son eth motiu d’èster deth sistèma sanitari.

Entà arremassar aguestes experiéncies e opinions, s’a elaborat un qüestionari en format telematic, a partir dera adaptacion dera enquèsta deth projècte de recèrca "SinergiAP". Ei un qüestionari damb preguntes sus era experiéncia coma pacient en sistèma sanitari catalan. Se hè referéncia as diferentes linhes de servicis, com era atencion primària e comunitària, era atencion ospitalària, era atencion sociosanitària, era atencion ara salut mentau e es addiccions, es urgéncies e es emergéncies...

Es responses arremassades permeteràn identificar es airaus de milhora sus es quaus calerà trabalhar ath long des ans que vien entà arténher un sistèma sanitari catalan de qualitat e segur entàs pacients en cada moment dera assisténcia.

Retorn

Un viatge acabada era fasa participativa, se publicaràn eth resultat dera enquèsta e era responsa sus er usatge qu’a agut en aguest madeish espaci web, elaborat peth Servei de Promoció de la Qualitat i la Bioètica deth Departament de Salut.