LA MEVA SALUT
#lamevasalut En tot apregondir ena opinion, es valoracions, er usatge e es expectatives dera ciutadanetat sus Era Mia Salut
Quant a aquest procés
Aquest procés pertany a Procés
VOLETZ DAR ERA VÒSTA OPINION SUS ER ESPACI DIGITAU Era Mia Salut?
- Sabetz que per Internet podetz accedir ath vòste istoriau medicau?
- Auetz parlat bèth viatge per Internet damb es professionaus que vos atien en CAP?
- Sabetz qu’a trauès d’Internet podetz consultar es informes que vos an hèt en un espitau public?
- Voletz conéisher es vòsti diagnostics e consultar-les dehòra dera consulta medicau?
- Sabetz quines vacunes an administrat ath vòste hilh o hilha?
- Tanhent ara vòsta salut, quini besonhs auetz que se poguen resòlver per Internet?
Eth Departament de Salut, es centres assistenciaus e es professionaus deth sistèma public de salut en Catalonha trabalhen amassa entà melhorar era atencion, es servicis, era informacion e era participacion en relacion damb era tua salut e, per açò, era ciutadanetat de Catalonha ja pòt accedir a Era Mia Salut, er espaci digitau de relacion en salut.
Ara daurim un procès participatiu entà pr'amor que toti poguen opinar, demanar, reflexionar e, en definitiva, collaborar ena milhora d’Era Mia Salut. Proposatz-mos un debat sus toti aqueri aspèctes que creigatz que son importants.
I podetz participar tant s'ètz usatgèrs d'Era Mia Salut coma se non n’ètz. Era vòsta opinion ei importanta.
Ajudatz-mos a definir com voletz que sigue era informacion sus era vòsta salut en Internet!
En Catalonha, en contèxte des tecnologies digitaus, se dessenhèc e desvolopèc Era Mia Salut, un espaci digitau en linha segur, personau e intransferible, a on eth Departament de Salut met a disposicion des persones de mès de 16 ans es dades mès considerables referentes ara sua salut e d’auti servicis, e que tanben permet qu'es familhes poguen accedir as dades des hilhs menors e es mainatges tutelats.
Eth projècte s'inicièc er an 2009, damb accès a trauès deth certificat electronic, damb diuèrses pròves pilòt. Er an 2012 ja i podec accedir tota era ciutadanetat. Maugrat açò, er usatge que se’n hège ere minoritari a causa deth sistèma emplegat entà accedir-i, qu'ère unicaments damb un certificat digitau. Tà incrementar-ne er usatge, er an 2014 CatSalut impulsèc un nau sistèma d’accès ara airina: mejançant un usatgèr e ua contrasenha fòrça segurs, damb un tràmit presenciau que s’a de hèr enes centres d’atencion primària. Ath delà, entà desplegar tot eth potenciau d’aguesta airina, s'incorporèren naui servicis, coma era consulta des dades de listes de demora quirurgiques –era e-consulta−, entre d’auti servicis aufridi peth CatSalut o pes entitats provedidores de servicis sanitaris.
Es naui passi en desvolopament deth projècte Era Mia Salut exigissen procèssi de maduracion sociau e de participacion ciutadana en un marc de deliberacion democratica. D’aguesta manèra s’abordarà er objectiu generau d’apregondir ena opinion, es valoracions, er usatge e es expectatives dera ciutadanetat e, ath viatge, uns objectius especifics:
- Conéisher es actituds e experiéncies des participants envèrs era utilizacion des TIC ena vida diària.
- Identificar es motius entà acreditar-se e utilizar Era Mia Salut, es expectatives preliminares e era experiéncia durant eth tràmit dera acreditacion.
- Descríuer era utilizacion e utilitat d’Era Mia Salut segontes es punts de vista dera ciutadanetat.
- Conéisher es opinions sus es contenguts e eth format d’Era Mia Salut, atau com es beneficis e limitacions que pogue auer.
- Establir es recomanacions des participants entara implantacion damb succès d’Era Mia Salut.
- Explorar es opinions dera ciutadanetat sus era relevança dera continuïtat d’aguest projècte.
Compartís: