Accessibilitat
Era Generalitat s'a comprometut a hèr accessibles es sòns webs de conformitat damb eth Reiau Decrèt 1112/2018, de 7 de seteme, a prepaus d’accessibilitat des lòcs web e aplicacions entà dispositius mobils deth sector public (en tà deuant, Reiau Decrèt 1112/2018, de 7 de seteme).
Aguesta declaracion d'accessibilitat s'aplique ath web https://web.gencat.cat.
Es subdomenis d'aguest web auràn es sues pròpries declaracions d'accessibilitat.
Reiau Decrèt 1112/2018, de 7 de seteme a prepaus d’accessibilitat des lòcs webs e aplicacions entà dispositius mobils deth sector públic.
Directiva (UE) 2016/2102 deth Parlament Europèu e deth Conselh, de 26 d'octobre a prepaus dera accessibilitat des lòcs web e aplicacions entà dispositius mobils des organismes deth sector públic.
Situacion de compliment
Aguest web ei parciaument conforme damb eth Reiau Decrèt 1112/2018, de 7 de seteme, pr’amor des excepcions e dera manca de conformitat des aspèctes que s'indiquen seguidament.
Contengut non accessible
Eth contengut que se recuelh seguidament non ei accessible pes següents motius:
- Manca de conformitat damb eth Reiau Decrèt 1112/2018, de 7 de seteme: poderien existir diuèrsi errors d'edicion en bèra pagina web, tant en contenguts HTML coma documents finaus, publicadi damb data posteriora ath 20 de seteme de 2018.
- Carga desproporcionada: non aplique.
- Eth contengut laguens der encastre dera legislacion aplicabla: poderien existir archius bureuatics en PDF o d'autes formats publicadi abans deth 20 de seteme de 2018 que non complisquen ena totalitat es requisits d'accessibilitat.
Premaniment dera presenta declaracion d'accessibilitat
Era presenta declaracion siguec premanida eth 20 de mai de 2019.
Eth metòde utilizat entà premanir era declaracion a estat ua autoavaloracion.
Darrèra revision dera declaracion: 20 de mai de 2019.
Comunicacions
Entà realizar comunicacions a prepaus de requisits d'accessibilitat (article 10.2.a) deth Reiau Decrèt 1112/2018, de 7 de seteme) coma, per exemple:
- Informar a prepaus de quinsevolh possible incompliment per part d'aguest lòc web.
- Hèr ua reclamacion referent a dificultats d'accès ath contengut d'aguest lòc web.
- Formular quinsevolha consulta o suggestion de milhora relativa ara accessibilitat deth lòc web.
Per mejan dera següenta via:
Es comunicacions seràn recebudes e transportades pera Direccion Generau d'Atencion Ciutadana, deth Departament dera Vicepresidència, Economia e Isènda, coma responsabla d'accessibilitat de gencat.
Procediment d'aplicacion
Eth procediment d'aplicacion recuelhut en article 3 deth Reiau Decrèt 1112/2018, de 7 de seteme, entrarà en vigor eth 20 de seteme de 2020.
Contengut opcionau
Aguest lòc web ei revisat per Observatòri d'Administracion Electronica (OBSAE), en tot auer-se realizat era darrèra revision en noveme de 2019.
Se realizen trabalhs d'audit e consulta entà adaptar es possibles non-conformitats e arténher ua accessibilitat plea ath lòc web que permete eth sòn usatge a quinsevolha persona, independentament des sues capacitats.
Eth compromís dera Generalitat pera accessibilitat
Eth web gencat s'a bastit damb era volontat de facilitar er accès universau a totes es persones que lo consulten independentament des sues capacitats, fisiques, sensoriaus o intellectuaus, e deth contèxt tecnic d'usatge qu'empleguen (sòrta de dispositiu, logiciau, velocitat dera connexion, condicions ambientaus, etc.).
Per açò, se trabalhe damb era tòca d'adaptar tot eth web as recomanacions deth Consòrci World Wide Web W3C entà eliminar es barrères que dificulten er accès ara informacion e era comunicacion. Aguestes recomanacions se concrèten enes modèls d'accessibilitat deth web WCAG 2.1.
Eth compromís dera Generalitat de Catalonha ei arribar a complir eth nivèu de conformitat 'Dobla-A' (AA), tau coma exigissen as administracions publiques es legislacions europèes e estataus.
Era Directiva (UE) 2016/2102 deth Parlament Europèu e deth Conselh de 26 d'octobre de 2016 establís es normes que s'exigissen as estats membres entà que toti es webs e aplicacions mobiles deth sector public, independentament deth dispositiu utilizat entà accedir-i, complisquen es requisits d'accessibilitat que se recuelhen ena norma EN 301 549 v2.1.2 (d'agost de 2018), de requisits d'accessibilitat adaptada entara contractacion publica de productes e servicis TIC en Euròpa.
Era norma EN 301 549 v2.1.1.2 se base principaument enes Web Content Accessibility Guidelines (WCAG) 2.1, d'agost de 2018. Concrètament cau complir eth nivèu AA. Maugrat açò, era norma tanben a d'auti requisits addicionaus, obligatòris e condicionaus.
Era directiva ei d'obligat compliment mès non ei dirèctament aplicable, per açò a nivèu estatau s'a desvolopat un reiau decrèt que desvolòpe era portada e es requisits, aumens. Era transposicion estatau ei eth Reiau Decrèt 1112/2018, de 7 de seteme, a prepaus d’accessibilitat des lòcs webs e aplicacions entà dispositius mobils deth sector públic.
