Participacion ciutadana en relacion damb eth Projècte de Decrèt d'acreditacion e foncionament d'organismes d'intermediacion en adopcion internacionau
Tramit de participacion ciutadana sobri eth projècte de Decrèt d'acreditacion e foncionament d'organismes d'intermediacion en adopcion internacionau
Quant a aquest procés
Aquest procés pertany a Normativa
S'òbri eth tramit de participacion ciutadana prevista ar article 69 dera Lei 9/2014, deth 29 de deseme, de transparéncia, accès ara informacion publica e bona govèrn, entà per'mor que es persones qu'ac desiren poguen participar, per miei dera presentacion de prepauses e suggeriments, ad aguesta iniciatiua normatiua que perseguís aprovar un nau Decrèt que establexi es requisits d'acreditacion, regim de foncionament, obligacions, contraròtle e inspeccion des organismes acreditadi que realizen foncions d'intermediacion ena adopcion internacionau de mendres e qu'an era sua abitança sociau en territòri de Catalonha.
Es objectius que se vòlen arténher damb era iniciatiua son:
- Garantir era seguretat juridica, tant en l’exercici des foncions publiques en matèria d’adopcion internacionau, coma ena accion des organismes d’intermediacion en adopcion internacionau.
- Melhorar era tramitacion des procediments d’acreditacion e des regims de foncionament e contraròtle des organismes d’intermediacion en matèria d’adopcion internacionau e adaptar era regulacion catalana ara nòrma en vigor.
Er objectiu principau dera consulta publica ei agarrar era opinion e prepauses dera ciutadania e des entitats interessades en relacion damb eth Projècte de Decrèt que se tramite.
As efèctes d'orientar era ciutadania sobri era consulta e centrar es aportacions se prepausen es qüestions següentes:
- Consideratz qu'eth Projècte de Decrèt que se presente actualize adequadaments era nòrma en matèria d’acreditacion e foncionament d’organismes d’intermediacion en matèria d’adopcion internacionau, cossent damb era naua nòrma aprovada a nivèu estatau?
- Consideratz que i a bèth aspècte considerable ena matèria que non s'a incorporat en tèxte deth Decrèt o non s'a desvolopat adequadaments?
- Consideratz qu'es mecanismes d’acreditacion, seguiment e contraròtle des organismes d'intermediacion en adopcion internacionau prevista en Projècte de Decrèt garantissen era prestacion corrècta deth servici de supòrt ara adopcion internacionau e s’adequen as besonhs e interèssi dera ciutadania e des entitats interessades en actuar en aguesta matèria?
Compartís: