Decrèt d’acreditacion e foncionament des organismes d’intermediacion en matèria d’adopcion internacionau

Es objectius que se vòlen arténher damb era iniciatiua son:

• Garantir era seguretat juridica, tant en l’exercici des foncions publiques en matèria d’adopcion internacionau, coma ena des organismes d’intermediacion que les cau dar compliment ara nòrma restacada damb aguest sector.

• Melhorar era tramitacion des procediments d’acreditacion des organismes d’intermediacion en matèria d’adopcion internacionau.

Es objectius dera consulta publica son:

• Agarrar era opinion dera ciutadania e des entitats interessades en acreditar-se o actuauments acreditades entara mediacion en matèria d’adopcion internacionau, per rapòrt ara convenença de substituïr l’actuau regulacion des Entitats Collaboradores d’Adopcion Internacionau.

• Avalorar se se considère mès avienta l’opcion normatiua consistenta en modificar er en vigor Decrèt o era de substituïr-lo per un de nau.

• Arrecéber aportacions en relacion damb es diferenti mecanismes possibles pera tramitacion des acreditacions des organismes d’intermediacion en matèria d’adopcion internacionau.

As efèctes d'orientar era ciutadania sobri era consulta e centrar es aportacions se prepausen es qüestions següentes:

• Consideratz que cau actualizar era nòrma en matèria d’acreditacion e foncionament d’organismes d’intermediacion en matèria d’adopcion internacionau e adaptar-la ara naua nòrma aprovada a nivèu estatau?

• Quini aspèctes consideratz que s’an d’incorporar en nau Decrèt?

• Consideratz que i a bèth aspècte que non s’a tengut en compde e que li calerie èster avalorat per l’Administracion dera Generalitat?

• Consideratz qu'eth mecanisme actuau d’acreditacion des organismes d'intermediacion ena tramitacion d’adopcions internacionaus s’adapte as besonhs dera ciutadania e des entitats interessades en actuar en aguesta matèria?