Consulta publica prealabla ara elaboracion d’un projècte de decret peth quau se regule era acreditacion des centres e servicis sanitaris de Catalonha
Estàndards de qualitat i procediments d’acreditació de línies, centres, establiments i serveis sanitaris
Quant a aquest procés
Aquest procés pertany a Normativa
Eth Departament de Salut, en marc deth Plan normatiu dera Administracion dera Generalitat de Catalunya entàs ans 2021-2023, impulse era iniciativa d’un projècte de decret peth quau se regule era acreditacion des centres e servicis sanitaris de Catalonha e s’amplie a totes es linhes assistenciaus.
Objectius deth nau decret
Er an 2006 entrèc en vigor eth Decret 5/2006, de 17 de gèr, peth quau se regule era acreditacion de centres d’atencion espitalària aguda e eth procediment d’autorizacion d’entitats avaloradores.
Posteriorament, er an 2014, entrèc en vigor eth Decret 86/2014, de 10 de junh, peth quau s’establís eth sistèma d’acreditacion d’equipes d’atencion primària en Catalonha, cada un d’eri damb regulacion pròpia d’estandards de qualitat e d’acreditacion.
Era volentat d’auançar en procès de milhora e d’avaloracion dera qualitat assistenciau hè de besonh ampliar era acreditacion en totes es linhes assistenciaus e obligue a redefinir eth modèl d’acreditacion actuau, que presente diferenti procediments entà centres espitalaris d’aguts e entà centres d’atencion primària; e a simplificar e unificar, ena mesura que sigue possible, eth procediment d’acreditacion entà que sigue comun entà totes es linhes assistenciaus.
Es objectius que se vòlen arténher damb eth projècte de decret son:
· Garantir uns estandards de qualitat en toti es centres, servicis e establiments sanitaris.
· Unificar es procediments e critèris d’acreditacion entà totes es linhes assistenciaus ena mesura que sigue possible.
· Garantir qu’es procèssi d’acreditacion siguen clars, simples, eficaci e eficienti.
· Afavorir era seguretat juridica ena aplicacion dera normativa d’estandards de qualitat e d’acreditacion des centres, servicis e establiments sanitaris.
· Establir uns estandards minims de seguretat des pacients coma requisits entà arténher era acreditacion en totes es linhes assistenciaus.
Era experiéncia artenhuda en Catalonha des der an 2006 e eth contèxte actuau en aguesta matèria recomanen regular normativament era acreditacion en totes es linhes assistenciaus, e includir-i toti es centres e establiments sanitaris de Catalonha.
Er objectiu dera consulta ei recuélher es aportacions, opinions, demanes, preocupacions e besonhs ciutadans e des diferents collectius e sectors potenciaument afectadi en relacion damb era iniciativa normativa.
Compartís: