Consulta publica sus l’elaboracion d’un avantprojècte de Lei entà regular es airaus de promocion economica urbana (APEU)

L’objectiu d’aguesta consulta ei agarrar l’opinion des ciutadans, en generau, e era deth sector comerciau e de servicis, eth particular, respècte eth besonh de disposar d’un estrument que permete fomentar era competitivitat des establiments comerciaus e de servicis plaçadi er ua zòna prèviaments delimitada mejançant sistèmes de collaboracion e finançament público-privadi -Airaus de Promocion Economica Urbana (APEU)-.

Aguest estrument li cau perméter establir mecanismes de finançament obligatòri entà totes es activitats economiques, qu'amassen determinades caracteristiques, plaçades er ua zòna prèviaments delimitada e que se’n poguen beneficiar, de manèra similara a figures ja existentes en païsi coma Canadà, EEUU, Reialme Unit, Alemanha,...

Entà desvolopar eth tèxte normatiu que li cau condusir a l’aprobacion deth projècte de Lei entà regular es airaus de promocion economica urbana (APEU), serie utila conéisher l’opinion sus es següents aspèctes:

a) Coma s’les calerie delimitar territorialment es Airaus de Promocion Economica Urbana (APEU)?. Qual les li calerie delimitar?

b) Quin ei eth supòrt minim que calerie per part des titulars o es proprietaris des locaus dedicadi a activitats economiques, plaçadi laguens era zòna delimitada e per quina majoria s’les calerie préner es decisions?

c) Quini tipes de Plan Estrategic (accions) s’a d’exigir entà justificar era constitucion des APEU?

d) Coma s’articularie era recaptacion e gestion des recorsi economics privadi de besonh entà amiar a tèrme eth Plan Estrategic?. Qui aurie d’èster obligat a contribuïr, era basa a quin critèri entà determinar era quantia?.

e) Quina li cau èster era forma juridica de l’entitat gestora?

f) Quin li cau èster eth papèr de l’ajuntament er era validacion deth projècte, constitucion de l’entitat gestora e supervision des accions?

g) Quina auta aportacion que sigue que se considère avienta