Avantprojècte de lei dera Agéncia d’Atencion Integrada Sociau e Sanitària de Catalunya

1-   Objectiu generau:

Garantir ua atencion mès integrada, que permete milhorar es resultats dera atencion tàs persones d’edat e tàs persones damb discapacitat, tàs persones damb problematica sociau derivada dera salut mentau e, en generau, tà totes es persones damb besonhs complèxes, d’ua quadrupla perspectiva:

• Milhorar es resultats de salut e benèster, promoiguent era qualitat de vida, er apoderament e era autonomia personau.

• Milhorar era eficiéncia e garantir era sostenibilitat deth sistèma sanitari e des servicis sociaus, a trauès dera adequacion dera atencion e dera utilizacion des servicis dera poblacion atenguda, a on se garantisque era qualitat, era accessibilitat e era equitat.

• Milhorar era experiéncia d’atencion d’aguestes persones e des sues familhes e/o er entorn cuedador, a on se garantisque qu’eth sòn projècte vitau se pogue desvolopar en sòn entorn familiau e comunitari.   

• Milhorar era experiéncia des professionaus ena prestacion dera atencion.

2-   Objectius especifics:

Encara que son multiples es sectors a on ei de besonh auançar ena integracion dera atencion, en contèxte actuau cau priorizar quate objectius especifics:

• Transformar es servicis de caractèr residenciau tà que responen pleament as respectius projèctes vitaus, ar encastre de drets e ara diversitat de persones e territòris, en tot promòir ua transicion efectiva entara desinstitucionalizacion.

• Refortir e integrar es servicis e supòrts d’atencion domiciliària, e d’auti de concomitants, tà garantir eth dret a víuer de manèra independenta ena comunitat enes milhors condicions de salut e qualitat de vida.

• Garantir era interaccion entre es sectors sociau e sanitari deth hilat de salut mentau e addiccions damb eth desvolopament d’un modèl d’atencion integrada.

• Auançar, en encastre deth Plan de transformacion digitau, en modèl integrat de sistèmes d'informacion sociau e sanitari que permete era comparticion e era integracion dera informacion generada peth sistèma de salut e eth sistèma sociau (istòria sociau e clinica compartida) damb era incorporacion de solucions digitaus que faciliten era necessària practica collaborativa entre es diferentes organizacions e professionaus de diferenti sectors d’atencion, eth coneishement e es resultats des sistèmes d'atencion, e era situacion e es besonhs des persones atengudes.

Ath delà d’aguesti quate objectius prioritaris, de manèra progressiva, calerà incorporar necessàriament ues autes iniciatives, com:

• Crear un modèl integrat de promocion dera autonomia personau e des capacitats des persones en risc o situacion de dependéncia e discapacitat e/o fragilitat.

• Crear un modèl integrat d’atencion sanitària e sociau tara prumèra enfança damb discapacitat, trastorns mentaus e malauties minoritàries.

• Acordar un modèl d’atencion integrada as persones que son atengudes en dispositius d’atencion diürna.

• Desvolopar eth modèl d’interaccion entre era atencion primària e comunitària d’atencion tara salut e era atencion primària des servicis sociaus basics.

• Desvolopar eth modèl d’atencion sociosanitària e de salut mentau integrada de longa durada de Catalonha.

• Abordar d’auti camps com era atencion precòça e eth supòrt ath desvolopament infantojuvenil, er envielhiment saludable, era promocion de comunitats saludables sociaument comprometudes, eth dessenh e aplicacion de metodologies de supòrt integrat tath projècte vitau de cada persona, etc.

Per a més informació en relació a l'Atenció Integrada Social i Sanitària, podeu consultar el web: https://salutweb.gencat.cat/ca/site/aiss/inici/

Entà per'mor de participar ad aguesta consulta publica prealabla, vos prepausam qu'arresponatz ath qüestionari "Qüestions entà fixar es aportacions: debat dubèrt". En cas de preferir aportar un document adjunt qu'arrecuelhe era vòsta participacion, podetz hè'c a trauès deth mecanisme de "Prepauses"