Participacion ciutadana en relacion damb es infermères e infermèrs de Catalonha

Introduccion

En marc dera elaboracion d’aguesta Estratègia de benèster, salut e guariments de Catalonha, s’inície un procès de participacion damb era ciutadanetat damb er objectiu de recuélherr es suess preferéncies e expectatives en relacion damb es infermères e infermèrs.

Aguesta participacion serà telematica, per miei d’un formulari, que serà actiu deth 13 de mai ath 3 de junh de 2024.

Com podetz participar-i?

Responent un formulari a on i trobaratz diferentes situacions que tracten es valors e es actuacions que desvolopen es infermèrs e es infermères en sistèma catalan de salut.

Cap des qüestionss, trèt dess iniciaus, mercades damb un asterisc, ei de responsaa obligatòria.

Era qüestion finau d’aguest formulari ei un camp dubèrt, que tracte sus quin a d’èster eth papèr des infermèrs e infermères enes propèrs 10 ans.

Entàr responer-la, auetz d’auer en compde qu’es vòstes aportacions non pòden hèrr referéncia a casi o tèmes personaus, relacionats, per exemple, damb ua malautia, o especifics, per exemple, sus un servcii assistenciau o un centre sanitari.

Entà hèrr a arribar consultes, suggeriments e queishes d’aguest tipe, disposatz dera boeta de contacte per internet deth CatSalut, eth CatSalut en territòri e eth madeish centre sanitari.

Qué se’n harà, d’aguesta participacion?

Un viatge finalizada era fasa participativa, s’elaborarà eth Document resum dera participacion ciutadana a on s’includirà era informacion que s’obtengue deraexplotacion des responses en formulari, autant a nivèu quantitatiu coma qualitatiu.

Aguest Document resum se publicarà en aguest madeish espaci, e era informacion tanben se trasladarà as integrants deth Grop estrategic deth projècte, perque l’age en compde en procès d’elaboracion dera Estratègia de benèster, salut e guariments. 

Qué se recuelherà en Document resum dera participacion ciutadana?

En cas de que i age ua elevada participacion, pòt èster que diferentes aportacions tracten ua tematica comuna. Dauant d’aguest supausat, era informacion se poderà presentar de forma agregada e/o resumida en Document resum dera participacion e, per tant, non s’i includirà era literalitat de çò que responéretz.

Qué non se recuelherà en aguest Document?

Non s’i includiràn:

• Contenguts que hèsquen referéncia a cassi e/o tematiques particulares.

• Accions en relacion damb un servcii assistenciau e/o centre sanitari especific.

• Aportacions que non hèsquen referéncia as valors, actuacions e expectatives respècte as infermèrs e infermères de Catalonha.