Consulta publica prealabla relativa ara elaboracion d’un Projècte d’orde peth quau se modifiquen es limits territoriaus des airaus basics de salut Sabadell 3B, 4A e 4B

D’un costat, aguest aument de poblacion a provocat qu’es espacis der actuau CAP Can Rull ja non permeten prestar de forma adequada era activitat assistenciau.

Per un aute costat, enes ABS Sabadell 3B, Sabadell 4A e 4B se constate era existéncia,en çò que hè ara prestacion assistenciau d’atencion primària, de dus barris dividits: Can Llong e la Concòrdia. Atau, mentre eth barri de Can Llong ei dividit enes ABS Sabadell 4B-Can Rull e 3B-Nord, eth barri dera Concòrdia ei dividit enes ABS Sabadell 4B e Sabadell 4A.

Aguest hèt pòt dificultar, en situacions concrètes, era atencion assistenciau, especiaument en situacions epidemiologiques o de procèssi gripaus. Ei per aquerò, que se determinèc era construccion d’un nau equipament, eth CAP Can Llong.

Ara ben, era creacion d’aguest nau espaci assistenciau compòrte que sigue de besonh redistribuïr era populacion en accès as servicis sanitaris d’atencion primària existents e, se cau, modificar er encastre geografic qu’artenh cada airau basic de salut.