Plan operatiu d’atencion a persones afectades d’idrosadenitis

Eth Departament de Salut e eth Servei Català de la Salut (CatSalut) inícien eth desvolopament deth Plan operatiu d’atencion a persones afectades d’idrosadenitis entà milhorar era assisténcia d’aguestes persones e auer atau un diagnostic precòç. Per aquest motiu, era Airau Assistenciau deth CatSalut, damb era collaboracion dera Secretaria d’Atenció Sanitària i Participació deth Departament de Salut, organize un procès participatiu damb era finalitat de reconéisher es interèssi, es besonhs, es opinions e es expectatives de persones diagnosticades entà qu’en aguest Plan s’agen en consideracion, ena mesura que se pogue, es efèctes sociaus dera malautia.

 Objectiu generau deth procès participatiu 

Conéisher era afectacion dera malautia en encastre sociau. 

Objectius especifics deth procès participatiu

• Exposar era opinion, es besonhs e es expectatives de persones afectades per aguesta malautia.

• Generar proposicions que disminuïssen es besonhs sociaus generadi pera malautia entà que s’incorpòren, ena mesura deth possible, en Plan operatiu.

Aguest procès s’estructure en ua session participativa, qu’auec lòc en junh de 2021 (Entà mès informacion, podetz revisar era descripcion dera fasa en extrem superior dret d’aguesta pantalha).

Retorn deth procès participatiu

Coma retorn, un viatge finalizat eth procès participatiu, er Airau Assistenciau deth CatSalut elabòre un document que se publique en aguest madeish espaci web.

Eth retorn s’adrece, principaument, as persones qu’an pres part en procès participatiu e tanben as que i poguen èster interessades.