Consulta publica preliminara ara elaboracion d’un projècte de decret peth quau s’apròve eth Reglament de sanitat mortuària.

Objectius deth nau decret

Era normativa aplicabla de policia sanitària mortuària en Catalonha ei eth Decret 297/1997, de 25 de noveme, peth quau s’apròve eth Reglament de policia sanitària mortuària.

Eth temps transcorrut a compdar dera aprobacion deth Decret 297/1997, de 25 de noveme, eth progrès des tecniques sanitàries realizades en cadavres, era impossibilitat d’autorizar eth transpòrt des defunts tàs sòns païsi d’origina, pr’amor que non se pòden amiar a tèrme es practiques de conservacion o embaumament deth cadavre, perque despassen es tèrmes establidi maugrat qu’es tecniques e installacions actuaus garantissen que se poguen hèr aguestes practiques en un periòde mès long sense comprométer era salut publica, era existéncia de naui tipes de materiaus (tant en taüts com en construccions funeràries), era aparicion dera figura der especialista en tanatopràxia, era situacion epidemiologica des malauties transmissibles infectocontagioses e especiaument es cambis substanciaus enes abituds funeràries dera nòsta societat, hèn de besonh proposar ua actualizacion dera regulacion sanitària mortuària entà adequar-la e adaptar-la as tempsi actuaus.

Aguestes problematiques non se limiten unicament a Catalonha, senon que son comunes as autes comunitats autonòmes e deuant eth hèt que tanben era normativa basica ei totaument desfasada (Decret 2263/1974, de 20 de junhsèga, peth quau s’apròve eth Reglament de policia sanitària mortuària), dèc lòc ath laguens dera Comission de Salut Publica deth Conselh Interterritoriau deth Sistèma Nacionau de Salut a aprovar, eth 24 de junhsèga de 2018, era Guida de consens sus sanitat mortuària. Aguesta Guida siguec elaborada amassa pes comunitats autonomiques e era Administracion generau der Estat, en contèxte dera ponéncia de sanitat exteriora e sanitat mortuària, entà facilitar er establiment de critèris comuns e de responses acordades per consens tad aguestes problematiques.

Cambis que propòse eth decret nau

Eth nau decret vò:

• Protegir de manèra efectiva era salut publica.
• Garantir era seguretat juridica en sector dera sanitat mortuària.
• Flexibilizar es tèrmes entara realizacion de determinades practiques de conservacion des cadavres, especiaument en aqueri casi a on son obligatòries entà hèr a complir era volontat deth defunt o dera sua familha de recéber sepultura en estrangèr e auent en compde es milhores enes tecniques actuaus.
• Facilitar er emplaçament des cementèris, tant es de naua construccion com era sua modificacion.
• Simplificar er accès des usatgèrs tà quauqui servicis funeraris.
• Redusir era intervencion administrativa ex ante ena mesura que sigue possibla (principi d’intervencion minimau) en exercici dera activitat des operadors sense qu’aguesta reduccion represente ua diminucion des garanties en sector dera salut publica.
• Adaptar era actuau normativa reglamentària sus formalitats administratives ara regulacion des leis 39/2015 e 40/2015.