Avantprojècte de lei d’emergéncies
Consulta Publica Prealabla entà l’elaboracion de l’Avantprojècte de lei deth sistèma d’emergéncies de Catalonha
Quant a aquest procés
Aquest procés pertany a Normativa
Se preten regular, en un unic tèxte, eth sistèma de gestion des emergéncies, entà per'mor de garantir l’accion efectiva, coordinada e homogènia des administracions publiques ( er especiau dera Generalitat e des Govèrns locaus), des còrssi operatius e des servicis qu'intervien ena prevencion e gestion des emergéncies.
L’Avantprojècte de lei abolirà era Lei 5/1994, de 4 de mai de regulacion des servicis de prevencion, escandilhament d’incendis e salvaments de Catalonha, e era Lei 9/2007, de 30 de junhsèga, deth Centratz d’Atencion e Gestion de Trucada d’Urgéncia 112 Catalonha.
Era regulacion legau des emergéncies s’integrarà laguens deth sistèma integrau de seguretat publica, endegat en Catalonha damb era Lei 4/2003, de 7 d’en abriu, d’organizacion deth sistèma de seguretat publica de Catalonha
Objectius dera consulta
Era consulta a per objectiu conéisher l’opinion dera ciutadania e des agents economics e sociaus, sobri eth foncionament e era regulacion deth sistèma d’emergéncies. Eth particular, s’demore que se hèsquen aportacions en relacion damb es ahèrs següents:
- Arrecuélher prepauses d’accion en relacion damb es naues exigéncies en matèria d’emergéncies.
- Arrecuélher prepauses en relacion damb era regulacion unificada de totes es emergéncies en Catalonha.
Qüestions entà orientar es aportacions:
1. Considère que s’a descrit adequadaments l’objectiu dera iniciatiua ?
2. Quini objectius cre que s’les calerie preveir diferentes as prepausadi?
3. Quines mesures restacades damb es emergéncies calerie implementar?
4.Quini tipes d’accions serien es mès efectives entà regular un sistèma globau des emergéncies en Catalonha?
5.Coma s’aurie d’articular era participacion d’auta administracions publiques que pòden èster afectades pera nòrma que promò eth Govèrn?
6.Consideratz qu'eth sistèma actuau d’articulacion des competéncies en matèria d'emparament civiu entre era Generalitat e es entitats locaus ei adequat? Qué consideratz que calerie cambiar? Quines prepauses auetz?
7.Credetz qu'era configuracion deth sistèma de còrssi d’emergéncies actuaus ei sufisent? Quin papèr li cau auer eth volontariat enes emergéncies? E es servicis privadi d’emergéncies?
Compartís: