Projècte de decrèt de l’organizacion des ensenhaments de bachillerat

Aguest decrèt se fondamente en curriculum basic establida d’acòrd damb era Lei organica 3/2020, de 29 de deseme, d’educacion, e era nòrma de desplegament.

Era iniciatiua d’elaboracion deth nau decrèt de curriculum mencionat s’execute enes tèrmes qu'establís era legislacion en vigor, qu'includís es apartats principaus següents:

- Es modalitats de bachillerat

- L’organizacion des matèries

- Es competéncies

- Es contenguts

- Era promocion e avaloracion deth bachillerat

- L’autonomia pedagogica des centres educatius

Eth curriculum, ath delà d'èster un plan d’estudis sus l’organizacion des ensenhaments, ei tanben un potent estrument de futur entath desvolopament integrau de totes es persones enes sòns aspèctes cognitius, emocionaus, afectius e relacionals, que permete l’aquesiment e assolidatge des competéncies indispensables entath futur formatiu e professionau, açò coma era capacitacion entà l’accès a l’educacion superiora.

Objectiu dera consulta

Era fin deth projècte ei melhorar e adaptar as besonhs e rèptes deth sègle XXI (Agenda 2030) eth curriculum de l’estapa educativa postobligatòria deth bachillerat, mejançant la garantie d’un desplegament deth projècte de vida personau e professionau entà toti a compdar de l’succès educatiu, que li cau facilitar er accès a procèssi formatius posteriors e ar aprendissatge ath long dera vida.

Es objectius dera iniciatiua son:

- Assolidar un curriculum competenciau que permete l’aquesiment e assolidatge des competéncies indispensables entath futur formatiu e professionau e era capacitacion entà l’accès a l’educacion superiora.

- Garantir en bachillerat era formacion, era maturitat intellectuau e umana, e es coneishences, abiletats e actituds que les permeten dar responsa a problematiques e situacions dera vida reau de procedéncia multipla (scientifica, ambientau, sociau, academica, personau...) E mòir’s ena societat de manèra activa, comprometuda, responsabla, atau coma incorporar-se ara vida activa damb responsabilitat e competéncia.

- Facilitar l’usatge eficaç des aprendissatges en contèxtes diferenti d’aqueri que se produsissen.

- Garantir que l’aufrida des estudis s’adapte as besonhs e preferéncies de l’alumnat.

- Facilitar a l’alumnat ua solida cultura integrau e aportar eth gost pera coneishença, eth trabalh e l’aprendissatge.



Prepauses e qüestions entà orientar es aportacions


Sens Perjudici dera hèta possible d’exprimir l’opinion sobri quinsevolhe des aspèctes sometudi ath document de consulta, entà per'mor de facilitar eth debat daurit ara ciutadania e de promòir es aportacions, se haràn es qüestions de caractèr generic següent:

1.- Considère que s’a descrit adequadaments eth problèma? I a d'auti aspèctes que considère que les calerie èster avaloradi per l’Administracion dera Generalitat?

2.- S’les calerie preveir d'auti objectius diferenti?

3.- S’les calerie regular d'auti aspèctes deth curriculum?

4.- Quines mesures calerie establir entà garantir l’autonomia pedagogica des centres?



A qui va dirigit


Era consulta ei daurida a toti.

Mès que mès i a interès a conéisher era volontat dera comunitat educativa comprenuda eth sens ample. Entitats (associacions e collègis professionaus, sindicats, associacions de pairs e mairs, associacions de familhes d’escolanes, eca.) e agents educatius (servicis educatius, centres educatius de primària e segondària, universitats, eca.).