Objectiu dera consulta
Crear un Registre Public de Plans d’Igualtat supause disposar d’un estrument qu'ajudarà ara societat catalana a auançar ena politica d’igualtat efectiva entre hemnes e òmes en trabalh, e dar compliment ara nòrma en vigor.
Aguesti objectius se concrèten en:
Desvolopar era lei 17/2015, de 21 de junhsèga, d’Igualtat efectiva de hemnes e òmes, en referéncia ara creacion d’un Registre Public de Plans d’Igualtat prevista as articles 32.3 e 36.5, damb es foncions previstes a l’article 5 3r q) dera Lei; e l’article 46 dera Lei Organica 3/2007, de 22 de març, entara igualtat efectiva de hemnes e òmes, modificat peth Reiau decrèt lei 6/2019, d’1 de març, de mesures urgentes entath gatge dera igualtat de tracte e d’oportunitats entre hemnes e òmes en trabalh e l’aucupacion.
Obtier ua basa de donades publiques que permete avalorar e hèr eth seguiment des plans d’igualtat existenta, e velhar peth compliment de l’obligacion d’elaborar e aplicar plans d’igualtat d’acòrd damb era nòrma en vigor.
Visibilitzar E seguir era implantacion dera politica d’igualtat de hemnes e òmes as enterpreses e administracions publiques, entà fomentar l’adopcion de mesures d’igualtat e non discriminacion en l’encastre laborau e dessenhar politiques publiques adaptades ara realitat e besonhs concrèts d’aguestes organizacions.
Collaborar ena gestion dera coneishença en tot facilitar era generacion e er escambi d’experiéncies entre es enterpreses e es administracions publiques qu'enregistren es sòns plans d’igualtat.
Singularitzar Era politica d’igualtat laguens de l’encastre dera negociacion collectiva.
Qüestions entà orientar
Aguesta consulta publica prealabla a l’elaboracion dera nòrma ei daurida ath conjunt dera ciutadania e organizacions. Totun, se considère mès que mès important era contribucion que poguen hèr es enterpreses, es organizacions patronaus e sindicaus e es administracions publiques. Per tau d’orientar eth debat, se prepausen es següentes qüestions:
Avaloratz positivaments era creacion deth Registre Public de Plans d’Igualtat?
Quines especificitats des enterpreses e administracions publiques consideratz que cau tier en compde ena creacion deth Registre Public de Plans d’Igualtat?
Quines mesures prepausaríetz entà hèr efectiva era creacion deth Registre Public de Plans d’Igualtat de manèra rapida e eficienta?
Com avaloratz eth hèt que l’Administracion publica pogue hèr eth seguiment dera implantacion des plans d’igualtat?
Entà per'mor de mandar-mos es responses as qüestions sometudes, o quin aute tipe que sigue d’aportacion en relacion damb era consulta, arrebrembatz qu'auetz d’adreçar‐vos a l’escartada “prepauses” deth menu superior. Per realizar era prepausa auratz d’èster dada d’nauta en portau.
Compartís