Jo Pregunti

Qué vòs demanar?

Pensa qué t’agradarie demanar ath Govèrn. En aguest sens, a d’apertier as sòns airaus d’actuacion, e a d’èster bèra question d’actualitat e naua. Laguens de cada procès de questions dubèrtes i aurà mès detalhs qu’ajudaràn a concretar a quini tèmes concrèts ei dubèrt eth torn de questions. Non pòden pas èster tèmes personaus o tèmes d’informacion ciutadana generica. Entà informacions en generau, as eth telefon 012 d'informacion o eth @gencat012bot en Telegram, atau com eth telefon 112 d'emergéncies entà situacions que requerissen intervencion immediata.

Per exemple, s’apoiridie preguntar sus:

• eth foncionament deth sistèma sanitari, perqué se prenen bères decisions, detalh de bères mesures en concrèt, quin ei er estat dera situacion, quini plans i a a cuert o miei termini, eca.

• qué pòt hèr era ciutadanetat, com contribuïr per un entorn mès saludable, eca.

• Eca.

A on pòs hèr era question?

Entra en espaci Jo pregunto e vè’n tar espaci deth conselhèr o conselhèra a qui vòs adreçar era tua question.

Rebremba qu’entà hè’c t’as de registrar ena plataforma participa.gencat.cat e auer era session dubèrta. Entà hè’c, pòs anar aciu, un còp t'as registrat.

Laguens d’aguest espaci poderàs hèr tres causes:

1.  Demanar un tèma que t’inquiete o que, simplament, vòs saber. Poderàs hèr tantes questions com vulgues.

2. Comentar era question qu’a hèt quauquarrés, entà sajar d’enriquir-la o, ath contrari, debàter-ne era pertinença o eth grad de consens que suscite.

3. Votar bèra auta propòsta. Açò vò díder que vòtes era question entà que sigue trigada entà èster responuda. Eth nombre de votacions serà determinant ara ora de trigar quines questions seràn responudes. Pòs votar-ne tantes de desparières com volgues; ac pòs hèr en tot anar tà cada comentari/question mejançant eth simbèu ^.

Se harà era seleccion des questions damb mès votacions que se transferiràn ath conselhèr o conselhèra. Aguestes seràn responudes tant amassa, per ròda de premsa en diferit, en vidèo, com individuaument, sus cada ua des questions realizades.

E se non an responut era mia question?

Se non an responut era tua question pòt èster per tres motius:

• I a agut d’autes questions qu’an recebut mès vòts qu’era tua.

• Era tua question ère relativa ath tèma a tractar, mès se referie a aspèctes personaus o informacion d’interès generau que ja ei publicada en d’auti espacis.

• Era tua question ère relativa a airaus que non son competéncia deth/des conselhèr/s o conselhèra/es entrevistadi o se referien ara actualitat politica. Non volem pas qu’aguest espaci sigue un espaci d’opinion, senon d’aclariment d’informacion de caractèr tecnic o dera accion de govèrn.

Qué non responeràn es conselhèrs e conselhères?

Non se responeràn pas questions d’informacion generau, com es que ja son publicades enes espacis institucionaus dera Generalitat de Catalonha o deth Govèrn.

Tanpòc se responeràn questions que hèsquen referéncia a tèmes qu’afècten o d’interès d’ua persona particulara.

Finaument, tanpòc se pòt respóner per d’auti companhs deth Govèrn damb responsabilitats o competéncies que non siguen es pròpries. Tanpòc se responerà per motivacions o posicionaments politics en particular ne se comentarà era actualitat politica deth moment.